Сонирхогчдын боксын залуучуудын дэлхийн аварга шалгаруулах тэмцээний хоёр дахь өдөр эрэгтэйчүүдийн 52кг жинд тулалдсан Э.Сүхбат Германы боксчинг гурван үеийн турш илүүрхэн "зодлоо".  

Польш улсын Кийлс хотноо зохион байгуулагдах эрэгтэйчүүдийн 21, эмэгтэйчүүдийн тав дахь удаагийн сонирхогчдын боксын залуучуудын дэлхийн аварга шалгаруулах тэмцээнд 66 орны 487 тамирчин оролцож байна. Манай улсаас эрэгтэй дөрөв, эмэгтэй дөрөв буюу нийт найман тамирчин тулалдах ба манай баг, бүрэлдэхүүний мэдээллийг ЭНД дарж үзнэ үү.

Тэмцээний эхний өдөр эрэгтэйчүүдийн 56кг жинд Б.Алтантулга манайхны салхийг хагалан, урамтай сайхан тулалдаж ялалт байгууллаа. Түүний тулааныг бүрэн эхээр нь ЭНД дарж үзнэ үү. 

Өчигдөр манай улсаас гурван ширэн бээлийтэн рингнээ тулалдсан ба эхлээд эрэгтэйчүүдийн 52кг жинд Э.Сүхбат Германы боксчинтой тулалдаж 5:0 харьцаагаар ялалт байгуулсан юм. Тус тулааны бичлэгийг бүрэн эхээр нь толилуулж байна. 

Манай сайт сонирхогчдын боксын залуучуудын ДАШТ-ийг дөрөвүгээр сарын 23-ны өдрийг хүртэл 11 хоногийн турш шууд дамжуулан үзүүлэхээс гадна монгол ширэн бээлийтнүүдийхээ тулааны бичлэг болон явцын мэдээллийг тогтмол, шуурхай хүргэж байна.