Японы мэргэжлийн сумо бөхийн Хару башёгийн ес дэх өдрийн барилдааныг шууд дамжуулан үзүүлж байна.
Найман өдрийн дараах байдлаар дээд зиндаанд качикоши хийсэн бөх гарсангүй. Комүсүби Такаяасү долоон даваа, нэг унаатайгаар ганцаараа башёг тэргүүлж байгаа бол Сэкеваке Тэрүнофүжи Г.Ган-Эрдэнэ, Маэгаширагийн 9-өөс барилдаж буй Чиёонокүни нар зургаан даваа, хоёр унаатайгаар башёг араас нь нэхэж байна. Найм дахь өдрийн барилдааны тоймы болон таван зиндаанд барилдаж буй монгол бөхчүүдийн явцын мэдээллийг ЭНД дарж үзнэ үү.
Өнөөдөр дээд зиндаанд барилдаж буй монгол бөхчүүдийн оноолтын мэдээлэл.
- Маэгашира 13 Чиёошома Г.Мөнхсайхан (5-3) - Маэгашира 13 Тэрүцүёоши (5-3)
- Маэгашира 6 Ичиножо А.Ичинноров (5-3) - Маэгашира 9 Хошорюү С.Бямбасүрэн (4-4)
- Маэгашира 6 Тамаваши Б.Мөнх-Оргил (4-3) - Маэгашира 9 Чиёонокүни (6-2)
- Маэгашира 4 Кирибаяама Б.Лхагвасүрэн (3-5) - Секиваке Таканошо (5-3)
- Сэкеваке Тэрүнофүжи Г.Ган-Эрдэнэ (6-2) - Маэгашира 4 Мёогирюу (5-3)
Өнөөдөр монгол бөхчүүд болох Ичиножо А.Ичинноров болон Хошорюү С.Бямбасүрэн нар дөрөв дэх удаагаа учраа тааран барилдана. Өмнө хоёр ч удаа өвдөг шороодоод байсан Хошорюү С.Бямбасүрэн өнгөрсөн башёд Ичиножо А.Ичинноровыг давсан юм.
