Японы мэргэжлийн сумо бөхийн Хару башёгийн найм дахь өдрийн барилдааныг шууд дамжуулан үзүүлж байна.
Долоон өдрийн дараах байдлаар дээд зиндаанд Сэкеваке Тэрүнофүжи Г.Ган-Эрдэнэ нарын гурван бөх зургаан даваа, нэг унаатайгаар тэргүүлж байна. Долоо дахь өдрийн барилдааны тоймы болон таван зиндаанд барилдаж буй монгол бөхчүүдийн явцын мэдээллийг ЭНД дарж үзнэ үү.
Өнөөдөр дээд зиндаанд барилдаж буй монгол бөхчүүдийн оноолтын мэдээлэл.
- Маэгашира 13 Чиёошома Г.Мөнхсайхан (5-2) - Маэгашира 15 Ютакаяама (2-5)
- Маэгашира 6 Тамаваши Б.Мөнх-Оргил (4-3) - Маэгашира 9 Хошорюү С.Бямбасүрэн (4-3)
- Маэгашира 6 Ичиножо А.Ичинноров (4-3) - Маэгашира 9 Чиёонокүни (6-2)
- Сэкеваке Тэрүнофүжи Г.Ган-Эрдэнэ (6-1) - Комүсүби Такаяасү (6-1)
- Маэгашира 4 Кирибаяама Б.Лхагвасүрэн (3-4) - Озеки Шодай (3-4)
Өнөөдөр башёг тэргүүлэгчид болох Сэкеваке Тэрүнофүжи Г.Ган-Эрдэнэ Комүсүби Такаяасү нар 19 дэх удаагаа учраа тааран барилдана. Сүүлийн гурван башё дараалан Комүсүби Такаяасү манай Тэрүнофүжи Г.Ган-Эрдэнийг даваад байгаа бөгөөд өнөөдрийн барилдаан тун сонирхолтой оноолт болоод байна. Өчигдөр башёг тэргүүлж байсан Озеки Асанояамагөвдөг шороодуулсан Кирибаяама Б.Лхагвасүрэн өнөөдөр Озеки Шодайтай барилдана. Кирибаяама Б.Лхагвасүрэн өмнө нь Озеки Шодайтай хоёр удаа учраа тааран барилдахдаа давж үзээгүй байгаа юм.
