Жүдо бөхийн Парисын их дуулга тэмцээний медалийн төлөөх барилдааныг шууд дамжуулан үзүүлж байна.
Яг одоо манай таван бөх медалийн төлөө барилдана. Тодруулбал:
Алтан медалийн төлөө:
Эмэгтэйчүүдийн -57 кг жинд МУГТ Д.Сумъяа тус жингийн дэлхийн чансааг тэргүүлж буй дэлхийн аваргын алт, хүрэл медальт, сүүлийн хоёр жил дараалан Парисын их дуулга тэмцээний аварга Канадын Криста Дегучитэй барилдана. Хоёр бөхийн хувьд өмнө нь хоёр удаа учраа таарах хэн хэнийгээ нэг, нэг удаа ялж байсан. Энэ удаагийн учраа нь хайнаа хагалах учиртай.
Хүрэл медалийн төлөө:
- Эмэгтэйчүүдийн -48 кг жинд МУГТ М.Уранцэцэг залуучуудын дэлхийн аваргын мөнгөн медальт Францын Б.Ширинтэй барилдана.
- Эрэгтэйчүүдийн -60 кг жинд Д.Амартүвшин өсвөрийн дэлхийн аварга Туркын Аккус Михрактай барилдана.
- Эрэгтэйчүүдийн -66 кг жинд Ё.Басхүү залуучуудын ДАШТ-ий хүрэл медальт Израилийн Шмайлов Баручтэй барилдана. Хоёр бөхийн хувьд өнгөрсөн оны Мастерс тэмцээнд учраа таарахад манай бөх давж байсан түүхтэй.
- Эрэгтэйчүүдийн -73 кг жинд Ц.Цогтбаатар олимпийн хошой хүрэл, дэлхийн гурван удаагийн аварга алдарт Эбинума Масашитэй барилдана. Эбинума аварга хамгийн сүүлд 2016 онд Парисын их дуулга тэмцээнд түрүүлж байжээ.
ХОЁРДУГААР ДЭВЖЭЭГ ШУУД ҮЗЭХ:
ЖИЧ: Хэрэв та аливаа барилдааныг цаг тухайд нь үзэж амжаагүй бол шууд дамжуулалтын бичлэгийг ухраан хүссэн барилдаанаа нөхөж үзэх боломжтой.
