Дөрвөн жил тутамд зохион байгуулагддаг "Дэлхийн мастеруудын наадам" 10 дахь удаагаа Япон улсын Кансай хотноо зохион байгуулагдана.
Хэдийгээр Ковид 19 вирусийн тархалтын улмаас Токио-2020 олимпийн наадам хойшилж 2021 оны долоодугаар сард зохиогдохоор болсон ч 10 дахь удаагийн "Дэлхийн мастеруудын наадам"-ыг зохион байгуулах хугацаанд өөрчлөлт оруулахгүй байхаар шийдвэрлэсэн байна. Тус наадам 2021 оны тавдугаар сарын 14-30-ны өдрүүдэд 35 спортын 59 төрлөөр зохион байгуулагдах юм.
Зуны спортын дэлхийн мастеруудын анхдугаар наадам 1985 онд Канад улсын Торонто хотноо зохион байгуулагдсан ба спортын төрлөөсөө хамааран 30-аас дээш насны зодог тайлсан ахмад тамирчид өрсөлдөх эрхтэй байдаг аж. Тамирчин нь хэд хэдэн спортын төрөлд хүч үзэх боломжтой ба хамгийн дээд тал нь таван спортын төрөлд оролцох боломжтой байдаг.
наадам ч яахав боллоо гэхэд корона??? зүгээр үү???