Иордан улсын Амман хотноо сонирхогчдын боксын U15, U17 хүртэлх насны Ази тивийн аварга шалгаруулах тэмцээн зохион байгуулагдах гэж байна.
Энэ удаагийн Ази тивийн аварга шалгаруулах тэмцээн нь шинэ тутам үүсгэн байгуулагдсан World Boxing холбооны хамаарал бүхий Asian Boxing холбооноос зохион байгуулж буй тивийн чанартай тэмцээн юм. Энэ удаагийн тэмцээнд 20 орны 400 гаруй боксчид хурд хүчээ сорин өрсөлдөнө.
Манай улсаас дараах тамирчид оролцож байна.
Хөвгүүдийн -40кг жинд: Н.Ахмейтхан, -46кг жинд М.Ибрахим, -49кг жинд Г.Номтойбаяр,
Залуучуудын эрэгтэй -46кг жинд А.Дагвадорж, -75кг жинд Т.Даваажав,
Залуучуудын эмэгтэй -46кг жинд А.Алтанзул, -54кг жинд С.Энхчимэг нар тулалдана.
Тэмцээн өнөөдөр /дөрөвдүгээр сарын 19/ Улаанбаатарын цагаар 21:00 цагт эхэлнэ.
