Мэргэжлийн снукер биллиардын 49 дэх удаагийн дэлхийн аварга шалгаруулах тэмцээн өнөөдөр хөшгөө нээнэ. 

Тавдугаар сарын 5-ны өдрийг хүртэл нийт 17 хоногийн туршид дэлхийн аварга хэмээх ноён оргилын төлөө дэлхийн шилдэг биллиардчид өрсөлдөх юм. Дэлхийн аваргын нийт шагналын сан монгол мөнгөөр ойролцоогоор 11.3 тэрбум төгрөг бөгөөд түрүүлсэн тамирчин нь 2.3 төгрөг хүртэх юм. 

Уламжлал ёсоор чансааг тэргүүлэгч топ 16 тамирчин болон урьдчилсан шатнаас шалгарсан 16 тамирчин буюу нийт 32 тамирчны дунд дэлхийн аваргын өрсөлдөөн явагдана. Урьдчилсан шатанд нийт 128 тамирчин өрсөлддөг ба энэ жилийн хувьд БНХАУ-ын зургаан тамирчин урьдчилсан шатнаас шалгарсан нь онцлог байв. Чансаагаараа сонгогдсон Дин Жунхуй (10), Занг Анда (12), Си Жиахуй (13), Сиао Гуодон (14) нарын дөрвөн тамирчинтай нийлээд үндсэн шатанд өрсөлдөх 32 тамирчны 10 нь хятад тамирчин болж байгаа нь урьд өмнө байгаагүй өндөр тоо юм. 

Өнөөдөр /дөрөвдүгээр сарын 19-ний өдөр/ буюу тэмцээний эхний өдөр дараах дөрвөн тоглолт явагдах хуваарьтай байна. /Улаанбаатарын цагаар/