Жүдо бөхийн "Бага дэлхийн аварга" хэмээн өргөмжлөгддөг "Осакагийн их дуулга" тэмцээний хоёр дахь өдрийн барилдааныг шууд дамжуулан үзүүлж байна.

Өнөөдөр эрэгтэйчүүдийн -73кг, -81кг, эмэгтэйчүүдийн -63кг, -70кг жингүүдэд манай улсаас Г.Одбаяр, О.Ууганбаатар, Н.Дагвасүрэн, Б.Ганхайч нарын дөрвөн бөх барилдаж байна.

Одоогийн байдлаар манай бөхчүүд:

• Эрэгтэйчүүдийн -81кг жинд манайхнаас хоёр бөх барилдаж байгаа ба С хэсэгт Н.Дагвасүрэн эхний тойргийн барилдаандаа Латвийн бөхийг цэвэр ялсан. Улмаар хоёрдугаар тойрогт Австралийн бөхийг ваза-ари үнэлгээгээр ялсан. 
• Мөн жингийн В хэсэгт О.Ууганбаатар хоёрдугаар тойрогт Румын улсын жүдоч Висан Владтай барилдан гарт өчих мэхээр цэвэр ялаад байна.
• Эмэгтэйчүүдийн -63кг жинд ОУХМ Б.Ганхайч Испани улсын жүдочтой барилдан торгуулиар ялагдал хүлээн тэмцээнээ дуусгалаа.

Эрэгтэйчүүдийн -73кг жинд дэлхийн аваргын хүрэл медальт Г.Одбаяр хоёрдугаар тойрогт олимпийн хүрэл, дэлхийн аваргын хошой хүрэл медальт Бельгийн Ван Тичелт Дирктэй барилдан нэмэлт цагт торгуулиар цэвэр ялсан бол яг одоо гуравдугаар тойрогт Авсрийн залуу бөхтэй барилдахаар дэвжээнээ гарч ирлээ. /хоёрдугаар дэвжээ/ 

Нэгдүгээр дэвжээг шууд үзэх:

Хоёрдугаар дэвжээг шууд үзэх:

Гуравдугаар дэвжээг шууд үзэх:

Дөрөвдүгээр дэвжээг шууд үзэх:

Жич: Та аливаа барилдааныг цаг тухайд нь үзэж амжаагүй бол шууд дамжуулалтын бичлэгийг ухраан нөхөж үзэх боломжтой.