Жүдо бөхийн "Бага дэлхийн аварга" хэмээн өргөмжлөгддөг "Осакагийн их дуулга" тэмцээний хоёр дахь өдрийн барилдааныг шууд дамжуулан үзүүлж байна.

Өнөөдөр эрэгтэйчүүдийн -73кг, -81кг, эмэгтэйчүүдийн -63кг, -70кг жингүүдэд манай улсаас Г.Одбаяр, О.Ууганбаатар, Н.Дагвасүрэн, Б.Ганхайч нарын дөрвөн бөх барилдаж байна.

Одоогийн байдлаар манай бөхчүүд:

• Эрэгтэйчүүдийн -81кг жинд манайхнаас хоёр бөх барилдаж байгаа ба хоёулаа эхний ялалтаа авлаа. манайхны өнөөдрийн салхийг хагалж С хэсгийн эхний тойргийн барилдаанаа Н.Дагвасүрэн Лативийн бөхийг цэвэр яллаа. Харин уг жингийн В хэсэгт О.Ууганбаатар эхний барилдаанаа Словак улсын залуу жүдочтой хийх байсан ч өрсөлдөгч тамирчин дэвжээнээ гарч ирээгүй тул манай бөх шууд ялалтыг авлаа.
• Эмэгтэйчүүдийн -63кг жинд ОУХМ Б.Ганхайч Испани улсын жүдочтой барилдан торгуулиар ялагдал хүлээн тэмцээнээ дуусгалаа.

Яг одоо хоёрдугаар дэвжээнээ дэлхийн аваргын хүрэл медальт Г.Одбаяр олимпийн хүрэл, дэлхийн аваргын хошой хүрэл медальт Белгийн Ван Тичелт Дирктэй барилдана. Хоёр бөхийн хувьд өмнө нь дөрвөн удаа учраа тааран барилдахад манай бөх гурван удаад нь өрсөлдөгчөө ялж байсан юм.    

Нэгдүгээр дэвжээг шууд үзэх:

Хоёрдугаар дэвжээг шууд үзэх:

Гуравдугаар дэвжээг шууд үзэх:

Дөрөвдүгээр дэвжээг шууд үзэх:

Жич: Та аливаа барилдааныг цаг тухайд нь үзэж амжаагүй бол шууд дамжуулалтын бичлэгийг ухраан нөхөж үзэх боломжтой.