Жүдо бөхийн Абу Дабигийн их дуулга тэмцээний сүүлийн өдрийн барилдааныг шууд дамжуулан үзүүлж байна.

Өнөөдөр тэмцээний сүүлийн өдөр тул хүнд жингийн барилдаанууд явагддаг уламжлалын дагуу эрэгтэйчүүдийн -90кг, -100кг, +100кг, эмэгтэйчүүдийн -78кг, +78кг жингүүдийн барилдаан явагдана. Энэ өдөр манай улсаас Л.Отгонбаатар, Г.Алтанбагана, О.Цэцэнцэнгэл, О.Мөнхцэцэг нарын дөрвөн бөх барилдаж байна.  

Өнөөдөр манай бөхчүүд:

• Эрэгтэйчүүдийн -90кг жинд Армийн дэлхийн аварга, Алдар спорт хорооны тамирчин Г.Алтанбагана эхний тойрогт Чехийн Кламмерт Девидтэй барилдан цэвэр яллаа. Харин хоёрдугаар тойрогт Бакугийн их дуулгын аварга Казахстаны Бозбаев Исламтай барилдан ялагдсанаар тэмцээнээ дуусгалаа. 
• Эрэгтэйчүүдийн -100кг жинд ДАШТ-ий хүрэл медальт Л.Отгонбаатар Германы залуу бөхтэй барилдан ялагдсанаар тэмцээнээ өндөрлүүллээ.
• Эмэгтэйчүүдийн -78кг жинд О.Мөнхцэцэг эхний тойрогт Конго улсын жүдоч Брансер Мариятай барилдан ваза-ари үнэлгээгээр ялалт байгууллаа. Тэрээр хоёрдугаар тойрогт залуучуудын дэлхийн аваргын мөнгөн медальт Словенийн Апотеках Кларатай барилдана. 
• Эрэгтэйчүүдийн +100кг жинд Одхүүгийн Цэцэнцэнгэл эхний тойрогт Арабын нэгдсэн Эмират улсын жүдоч Ал Дармакиг цэвэр савлаа. Хоёрдугаар тойрогт дэлхийн аваргын мөнгөн медальт Азебрайжаны Кокаури Ушангитэй яг одоо нэгдүгээр дэвжээнээ барилдахаар гарч ирлээ.   
  
  

Нэгдүгээр дэвжээг шууд үзэх:

Хоёрдугаар дэвжээг шууд үзэх:

Гуравдугаар дэвжээг шууд үзэх:

Жич: Хэрэв та аливаа барилдааныг цаг тухайд нь үзэж амжаагүй бол та шууд дамжуулалтын бичлэгийг ухраан нөхөж үзэх боломжтой.