Жүдо бөхийн Абу Дабигийн их дуулга тэмцээний хоёр дахь өдрийн барилдааныг шууд дамжуулан үзүүлж байна.

Өнөөдөр эмэгтэйчүүдийн -63кг, -70кг, эрэгтэйчүүдийн -73кг, -81кг жингүүдийн барилдаан явагдах ба манай улсаас таван бөх барилдах хуваарьтай байна. Манай бөхчүүдийн оноолтын мэдээлэлтэй танилцахыг хүсвэл энд дарна уу. 

Манай бөхчүүдийн өнөөдрийн салхийг хагалж ОУХМ Ц.Цогтбаатар эхний тойрогт Тажикстан улсын жүдоч Бехрузи Хожазодатай хүндхэн барилдааны эцэст ялж гараагаа сайхан эхлүүллээ. Тэд хоорондоо өмнө нь хоёр удаа учраа таарч хожлын харьцаа 1:1 болж тэнцсэн байсан бол ийнхүү манай бөх өнгөрсөн дэлхийн аваргаар ялагдсан хариугаа авч чадлаа. 

Харин эмэгтэйчүүдийн -70кг жинд барилдсан Ц.Батцэцэг оны өнгөрсөн онд Абу Дабид үзүүрлэж байсан Германы Мириам Буткерейттэй барилдан ялагдаж тэмцээнээ дуусгалаа.

Тэгвэл яг одоо нэгдүгээр дэвжээнээ -81кг жинд ОУХМ О.Ууганбаатар АНУ-ын Делпополо Николастай, гуравдугаар дэвжээнээ МУГТ Г.Одбаяр Мексикийн Кардосо Гилбертотой, Ц.Цогтбаатар хоёрдугаар дэвжээнээ Беларусийн бөхтэй барилдана.

Нэгдүгээр дэвжээг шууд үзэх:

Хоёрдугаар дэвжээг шууд үзэх:

Гуравдугаар дэвжээг шууд үзэх:

Жич: Хэрэв та аливаа барилдааныг цаг тухайд нь үзэж амжаагүй бол та шууд дамжуулалтын бичлэгийг ухраан нөхөж үзэх боломжтой.