Жүдо бөхийн Абу Дабигийн их дуулга тэмцээний хоёр дахь өдрийн барилдааныг шууд дамжуулан үзүүлж байна.

Өнөөдөр эмэгтэйчүүдийн -63кг, -70кг, эрэгтэйчүүдийн -73кг, -81кг жингүүдийн барилдаан явагдах ба манай улсаас таван бөх барилдах хуваарьтай байна. Манай бөхчүүдийн оноолтын мэдээлэлтэй танилцахыг хүсвэл энд дарна уу. 

Өнөөдөр манай бөхчүүд:

• Эмэгтэйчүүдийн -70кг жинд барилдсан Ц.Батцэцэг оны өнгөрсөн онд Абу Дабид үзүүрлэж байсан Германы Мириам Буткерейттэй барилдан ялагдаж тэмцээнээ дуусгалаа.
• Эрэгтэйчүүдийн -81кг жинд ОУХМ О.Ууганбаатар АНУ-ын Делпополо Николастай барилдан нэмэлт цагт цэвэр ялсан. Хоёрдугаар тойрогт Шведийн Пакек Робинд ялагдан тэмцээнээ дуусгалаа. 
• Эрэгтэйчүүдийн -73кг жингийн D хэсэгт МУГТ Г.Одбаяр Мексикийн Кардосо Гилбертотой барилдан цэвэр ялсан. Харин гуравдугаар тойрогт Туркын бөхөд ялагдан тэмцээнээ дуусгалаа.
• Эмэгтэйчүүдийн -63кг жинд барилдсан Б.Ганхайч хоёрдугаар тойрогт Алжирын Амина Белкадитай барилдан ялагдсанаар тэмцээнээ дуусгалаа.
• Манай бөхчүүдийн өнөөдрийн салхийг хагалж эрэгтэйчүүдийн -73кг жингийн В хэсэгт ОУХМ Ц.Цогтбаатар эхний тойрогт Тажикстан улсын жүдоч Бехрузи Хожазодатай хүндхэн барилдааны эцэст ялж гараагаа сайхан эхлүүллээ. Тэд хоорондоо өмнө нь хоёр удаа учраа таарч хожлын харьцаа 1:1 болж тэнцсэн байсан бол ийнхүү манай бөх өнгөрсөн дэлхийн аваргаар ялагдсан хариугаа авч чадлаа. Хоёрдугаар тойрогт Беларусийн бөхийг цэвэр яллаа. Гуравдугаар тойрогт Израилийн Бутбулыг ялж хэсгийн аваргын төлөө барилдах эрхтэй болсон. Хэсгийн аваргын төлөө -73кг жингийн В хэсгийг тэргүүлэн барилдаж буй Канадын Маргелидон Артуртай барилдан нэмэлт цагт ялагдсанаар дагах барилдаан хийхээр боллоо. 

Яг одоо хоёрдугаар дэвжээнээ Ц.Цогтбаатар олимп, дэлхийн мөнгөн медальт алдарт Рустам Оружовтой барилдана. 

Нэгдүгээр дэвжээг шууд үзэх:

Хоёрдугаар дэвжээг шууд үзэх:

Гуравдугаар дэвжээг шууд үзэх:

Жич: Хэрэв та аливаа барилдааныг цаг тухайд нь үзэж амжаагүй бол та шууд дамжуулалтын бичлэгийг ухраан нөхөж үзэх боломжтой.