Жүдо бөхийн залуучуудын дэлхийн аварга шалгаруулах тэмцээний эхний өдрийн финалын барилдааныг шууд дамжуулан үзүүлж байна.
Өнөөдөр манай таван бөх барилдсанаас эмэгтэйчүүдийн -52кг жинд барилдсан залуучуудын Олимпийн мөнгө, Дюсселдорфын их дуулга тэмцээний мөнгөн медальт ОУХМ Л.Сосорбарам залуучуудын ДАШТ-ий финалд шалгарлаа.
Тэрээр өнөөдөр дараах барилдаануудыг хийлээ.
- Эхний тойрогт гоц мөргөж хоёрдугаар тойрогт Европын залуучуудын аваргын мөнгөн медальт Германы Анника Вурфелийг нэмэлт цагт вазаригаар ялсан.
- Гуравдугаар тойрогт өсвөр үеийн Азийн хошой аварга, Азийн цомын аварга Узбекистаны Сита Кадамбоеваг 3:11 минутад цэвэр ялсан.
- Хэсгийн аваргын төлөө энэ оны Европын залуучуудын аваргын мөнгөн медальт Недерландын Наоми Ван Кревелийг торгуулиар цэвэр ялсан.
- Хагас шигшээд хэдхэн хоногийн өмнө Бразилийн их дуулга тэмцээнд мөнгө, Бакугийн их дуулга тэмцээний хүрэл, Пан Америкийн насанд хүрэгчдийн аварга Бразилийн Ларисса Пиментаг нэмэлт цагт өмсөх мэхээр вазари үнэлгээ авч ялсан.
Аваргын алтан медалийн төлөө Ази-Номхон далайн орнуудын залуучуудын аварга Тайваний Лин Шуан Шутай барилдахаар шалгараад байна.
