Жүдо бөхийн Бразилын их дуулга тэмцээн өнөөдөр эхэлнэ.
Бразилын их дуулга тэмцээнд 55 орны 317 жүдоч оролцож байгаа ба Олимпын аварга Т.Ринер, Р.Силва, К.Лукас, дэлхийн аварга С.Хашимото, Ш.Николоз, А.Майра зэрэг дэлхийн шилдэг жүдочид олноороо хуран цуглаад байна. Харин энэ удаагийн их дуулга тэмцээнд Монгол болон БНСУ-ын жүдочид оролцолгүй өнжиж байна.
Өнөөдөр хуваарь ёсоор эмэгтэйчүүдийн -48кг, -52кг, -57кг, эрэгтэйчүүдийн -60кг, -66кг жингүүдийн барилдаан явагдана.
Бразилын их дуулга тэмцээний хуваарь: /Улаанбаатарын цагаар/
- 21:30 цагаас хэсгийн барилдаан
- 10 дугаар сарын 7-ны шөнө 03:00 цагаас шигшээ барилдаан явагдана.
Манай сайт уламжлал ёсоор гурав хоногийн турш Бразилын их дуулга тэмцээнийг шууд дамжуулан үзүүлэхээс гадна өдөр өдрийн шилдэг барилдаануудыг түүвэрлэн бичлэгээр үзүүлэхээр ажиллаж буйгаа дуулгахад таатай байна.
