Японы мэргэжлийн сүмо бөхийн Рэйва эриний анхны тэмцээн болох нацү башёг Их аварга Хакүхо өнжих шийдвэр гаргажээ. Тэрбээр уржигдар эмчийн үзлэгт орсон ба гэмтлийг бүрэн эдгээхэд доод тал нь 21 хоног шаардлагатай гэжээ. Хакүхо аваргын хувьд ийм зүйл болсонд сэтгэл гонсойж байгаагаа илэрхийлсэн байна. Энэ сард АНУ-ын Ерөнхийлөгч Дональд Трамп Япон улсад айлчлах юм. Тэрбээр айлчлалынхаа хүрээнд нацү башёгийн сүүлийн өдрийн барилдааныг үзэж сонирхон, түрүүлсэн бөхөд Ерөнхий сайдын цом гардуулах юм. Хакүхо ч энэхүү өдрийг тэсэн ядан хүлээж байгаагаа илэрхийлж,
ховор тохиох боломж учир хичээж барилдана хэмээн ярьж байсан.

Хакүхогийн дэвжээний багш Мияагино ояаката “Эмчийн хэлснээр баруун гарын булчингийн 70 хувь нь тасарсан байна гэсэн. Эхний дүгнэлтээр эдгэрэхэд 45 хоногийн хугацаа хэрэгтэй гэж байсан ч Хакүхо өөрөө ирэх башёд барилдахыг их хүссэн учир бага багаар дасгалаа хийж байсан. Гэсэн ч сая дахин үзлэгт ороход дахиад барилдахын тулд дор хаяж гурван долоо хоног шаардлагатай байна гэсэн. Үүнийг ямар нэгэн мэс заслын эдгээх боломжгүй. Булчин нь өөрөө түрж эдгэхийг хүлээх хэрэгтэй. Ямар нэгэн хүчний дасгал хөдөлгөөн хийж болохгүй гэж хэлсэн” гэжээ.