Олон улсын самбо бөхийн холбооны /FIAS/ хуваарьт багтсан тэмцээн болох Беларусийн ерөнхийлөгчийн нэрэмжит цомын тэмцээн энэ сарын 20-21-ны өдрүүдэд Беларусийн Минск хотноо зохион байгуулагдана.

Энэ удаагийн ерөнхийлөгчийн нэрэмжит цомын тэмцээнд Монголын самбо бөхийн холбоог төлөөлөн дараах бөхчүүд барилдана. 

• Эмэгтэйчүүдийн -48 кг жинд 2019 оны дэлхийн тулааны их наадмын алт, 2019 оны залуучуудын ази тивийн алт, 2019 оны залуучуудын дэлхийн аваргын алтан медальт ОУХМ Б.Баасанхүү
• Эмэгтэйчүүдийн -68 кг жинд 2018 оны азийн аваргын алт, 2018 оны азийн наадмын хүрэл, 2019 оны дэлхийн аваргын хүрэл медальт, ОУХМ Ц.Батцэцэг
• Эрэгтэйчүүдийн -52 кг жинд 2020 оны улсын аваргын алтан медальт Д.Алтанхуяг
• Эрэгтэйчүүдийн -82 кг жинд 2005, 2009 оны дэлхийн хошой аварга МУХБ, МУГТ Х.Цагаанбаатар
• Эрэгтэйчүүдийн -100 кг жинд 2019 оны дэлхийн аваргын хүрэл медальт ОУХМ Б.Серик нар ахлах дасгалжуулагч МУГТ Г.Үүрцолмонгийн удирдлага дор оролцоно. 

Тэмцээний хуваарь: /Улаанбаатарын цагаар/

Хоёрдугаар сарын 20-ны өдөр 

15:00 цагаас 

Эмэгтэйчүүдийн : -48кг, -56кг, -64кг, -72кг, +80кг
Эрэгтэйчүүдийн : -52кг, -62кг, -74кг, -90кг, +100кг
Байлдааны самбо : -57кг, -68кг, -82кг, -100кг жингүүдийн барилдаан, тулаанууд явагдана.

22:00 цагаас 

Дээрх жингүүдийн медалийн төлөөх барилдаан болон шагнал гардуулах ёслолын ажиллагаа

Хоёрдугаар сарын 21-ний өдөр 

15:00 цагаас 

Эмэгтэйчүүдийн : -52кг, -60кг, -68кг, -80кг
Эрэгтэйчүүдийн : -57кг, -68кг, -82кг, -100кг
Байлдааны самбо : -62кг, -74кг, -90кг, +100кг жингүүдийн барилдаан, тулаанууд явагдана.

20:00 цагаас 

Дээрх жингүүдийн медалийн төлөөх барилдаан болон шагнал гардуулах ёслолын ажиллагаа

Манай сайт уламжлал ёсоор тус тэмцээнийг шууд дамжуулан үзүүлэх болно.