Италийн Наполи хотноо 30 дахь удаагийн оюутны спортын зуны Универсиад наадам албан ёсоор эхэллээ.
Энэ сарын 14-ны өдрийг хүртэл спортын их наадамд таван тивийн 120 орчим улсын 8.000 гаруй тамирчид оролцож байгаа юм. Энэ удаагийн Универсиад наадмаас эхлэн оролцох насны хязгаарыг 17-25 болгон бууруулснаараа онцлогтой. 2019 оныг хүртэл насны хязгаар 17-28 насны хооронд байлаа.
222 багц медалийн төлөө спортын 15 төрөлд 12 хоногийн турш өрсөлдөх энэ удаагийн их наадамд манай тамирчид дараах долоон төрөлд хүч үзнэ.
- Жүдо
- Таеквондо
- Буудлага
- Байт харваа
- Усанд сэлэлт
- Теннис
- Ширээний теннис гэсэн төрлөөр 46 хүний бүрэлдэхүүнтэй оролцож байна.
Тэмцээнүүдийн хуваарьтай танилцана уу.
Өнөөдөр албан ёсны эхний өдөр манай тамирчдаас жүдо, буудлага, усанд сэлэлтийн төрлөөр тэмцээнээ эхлүүлэх хуваарьтай байна.
Дашрамд дурдахад Монголын үе үеийн оюутан тамирчид Универсиад наадмаас 11 алт, 16 мөнгө, 26 хүрэл медаль нийт 53 медалийг есөн спортын төрөлд хүртэж байсан түүхтэй.
