Японы мэргэжлийн сумо бөхийн долоо дахь өдрийн барилдааныг шууд дамжуулан үзүүлж байна.
Өнөөдөр тун сонирхолтой барилдаануудаар дүүрэн байх нээ. Башёг нэг ч унаагүй тэргүүлж байгаа Какерюү М.Ананд аварга маэгаширагийн 3-т эрэмбэлэгдэж буй Чиотайрютай барилдах бол секиваке Точиношин маэгаширагийн 1-т эрэмбэлэгдэж буй Котошогикутай барилдана. Точиношин болон Котошогику нар хоорондоо 33 удаа учраа тааран барилдахад Котошогику 24 удаад нь даваад байгаа ч сүүлийн дөрвөн удаа Точиношин дараалан даваад байна.
Тамаваши Б.Мөнх-Оргил маань энэ удаад озеки Гоедотой барилдах оноолт гарчээ. Хоёр бөхийн хувьд өмнө нь 21 удаа барилдахад Тамаваши есөн удаад нь даваад байгаа юм.
Жич: Шууд дамжуулалтын бичлэг тухайн өдрийн башё дуусахад хадгалагддаггүй ба хэрэв та барилдаануудыг үзэж амжаагүй бол маргааш өглөө барилдааны тоймыг үзэх боломжтой.
