Жүдо бөхийн тивийн аварга шалгаруулах тэмцээн Арабын нэгдсэн Эмират улсын Фужирах хотноо зохион байгуулагдаж дууслаа. Дөрвөн хоногийн турш үргэлжилсэн тэмцээнд манай баг тамирчид ганцаарчилсан төрөлд гурван алт, хоёр мөнгө, гурван хүрэл, дөрвөн шагналт байр эзэлсэн амжилтаар тэмцээнд оролцогч 39 орноос медалийн чанараар Япон улсын дараа хоёрдугаар байрт орлоо. Мөн багийн барилдааны төрөлд хүрэл медаль хүртсэн бахдам амжилтаар тэмцэнэээ өндөрлүүллээ. 

Манай бөхчүүдээс Ази тивийн аваргын Алтан медаль хүртсэн Баатрууддаа дахин баяр хүргэе.

-73кг жинд Ц.ЦогтБААТАР

-81кг жинд О.УуганБААТАР

-100кг жинд Л.ОтгонБААТАР

Манай жүдочдын дараагийн зогсоол Бакугийн их дуулга тэмцээн.

Ирэх тавдугаар сарын 10-13ны өдрүүдэд зохион Азербейжан улсын Баку хотноо зохион байгуулагдах Бакугийн их дуулга тэмцээнд 63 орны 553 жүдоч оролцох урьдчилсан мэдүүлгээ өгөөд байгаа бол манай улсаас 11 жинд эрэгтэй 10, эмэгтэй тав, нийт 15 тамирчин оролцох мэдүүлгээ өгчээ. 

Өнгөрсөн оны Бакугийн дэлхийн аварга шалгаруулах тэмцээний шилдэг барилдааны түүвэр бичлэгийг толилуулж байна.