Жүдо бөхийн Ази тивийн аварга шалгаруулах тэмцээн өнөөдөр сүүлийн өдрөө Арабын нэгдсэн Эмират улсын Фужирах хотноо зохион байгуулагдаж байна. Тэмцээний сүүлийн өдөр багийн барилдаанаар үргэлжлэн явагдсан ба манай баг Япон болон БНХАУ-ын багтай нэг хэсэгт багтсан юм. Эхний тойрогт БНХАУ-ын багийг цэвэр ялалтаар ялсан бол хэсгийн аваргын төлөө Японы багтай барилдан 4:2 харьцаагаар ялагдал хүлээлээ.
Ийнхүү манай баг хүрэл медалийн төлөө Узбекистан улсын багтай барилдахаар шалгарч үлдээд байна.
Харин нөгөө хүрэл медалийн төлөө БНХАУ-ын баг Казахстан улсын багтай барилдах юм. Алтан медалийн төлөө Япон улсын баг БНСУ-ын багуудын хооронд өрнөнө.
