Олон улсын жүдо бөхийн холбооны (IJF) уламжлалт томоохон тэмцээн болох Анталия гран при тэмцээн хоёр дахь өдрөө үргэлжлэн явагдаж байна. Өнөөдөр тэмцээн хоёр дахь өдрөө эмэгтэйчүүдийн 63кг, 70кг, эрэгтэйчүүдийн 73кг, 81кг жингийн барилдаанууд явагдаж манайхаас гурван жинд МУГТ Г.Одбаяр тэргүүтэй дөрвөн бөх барилдлаа.
Эмэгтэйчүүдийн -63кг жинд Ц.Сүнжидмаа, эрэгтэйчүүдийн -73кг жинд барилдсан Г.Чойжилсүрэн нар нэгдүгээр тойрогт, -81кг жинд барилдсан Б.Мөрренцин хоёрдугаар тойрогт хожигдон тэмцээнээ дуусгасан бол эрэгтэйчүүдийн -73кг жинд хүч үзсэн МУГТ Г.Одбаяр хэсгийн аваргын төлөө ОХУ-ын Лечи Эдиевт ялагдан улмаар дагах барилдаанд Украйны Дмитро Каниветс ялагдан шагналт долоодугаар байранд орлоо.
-01.jpg)
Яг одоо өнөөдрийн медалийн төлөөх барилдаан эхэлж байна. Өнөөдрийн оргил барилдаанаар эрэгтэйчүүдийн -73кг жингийн финалд олимп, дэлхийн мөнгөн медальт Азербейжаны Рустам Оружов болон дэлхийн аваргын алт, хошой хүрэл медальт БНСУ-ын Ан Чанрим нарын барилдаан байна. Тэд өмнө нь таван удаа учраа тааран барилдахад Оружов гуравн удаад нь ялаад байгаа юм.
Анталияагийн гран при тэмцээний хоёр дахь өдрийн медалийн төлөөх барилдааныг шууд дамжуулан үзүүлж байна:
