Олон улсын жүдо бөхийн холбооны (IJF) уламжлалт томоохон тэмцээн болох Тбилисийн гран при тэмцээн өнөөдөр уламжлал ёсоор хүнд жингийн барилдаануудаар үргэлжилж байна. Тэмцээний эхний хоёр өдрийн дараах байдлаар МУГТ М.Уранцэцэг өөрийн жиндээ хүрэл медаль хүртэж дөрвөн бөх шагналт байранд орсон байна. 

Өнөөдөр эмэгтэйчүүдийн -78кг, +78кг, эрэгтэйчүүдийн 90кг, -100кг, +100кг жингийн барилдаанууд явагдах ба манай улсаас дөрвөн жинд таван бөх барилдана.

Армийн Дэлхийн Аварга, Алдар Спорт Хорооны тамирчин Г.Алтанбагана эрэгтэйчүүдийн -90кг жингийн В хэсгийг тэргүүлэн барилдаж байгаа ба эхний тойрогт Их Британийн Фразер Чамберлайныг цэвэр ялсан. Харин яг одоо хоёрдугаар тойрогт Узбекстан улсын жүдоч Якёо Имамовтой хоёрдугаар дэвжээнээ барилдахаар гарч ирлээ. 

Гуравдугаар дэвжээнээ эрэгтэйчүүдийн -100кг жинд эхний өрсөлдөгчөө цэвэр ялсан О.Хангал мөн Узбекстаны Мухаммадкарим Хуррамовтой барилдах гэж байна.  

Нэгдүгээр дэвжээг шууд үзэх:

Хоёрдугаар дэвжээг шууд үзэх:

Гуравдугаар дэвжээг шууд үзэх:

Жич: Хэрэв та шууд дамжуулалтыг цаг тухайд нь үзэж амжаагүй бол бичлэгийг ухраан нөхөж үзэх боломжтой.