Жүдо бөхийн цуврал тэмцээнүүдийн нэг болох "HONG KONG ASIAN OPEN 2018" тэмцээн 2 өдрийн турш амжилттай явагдаж дууслаа.  

Тус тэмцээнд манай улсаас харьцангуй залуу бөхчүүдийг сойсон бөгөөд бүгд амжилттай сайхан барилдаж байна. Өчигдөр манай 14 бөх барилдсанаас 1 алт, 1 мөнгө, 2 хүрэл, 3 шагналт тавдугаар байр, 2 шагналт долоодугаар байр эзэлсэн амжилтаар 29 орны жүдочдоос медалийн чанараар хоёрдугаарт эрэмблэгдээд байсан юм. 

Тэмцээний сүүлийн өдөр буюу өнөөдөр манай хүнд жингийнхэн барилдаж дараах амжилтуудыг үзүүллээ. Тодруулбал:

• Эрэгтэйчүүдийн +100кг жинд Б.Тэмүүлэн Мөнгөн медаль
• Эрэгтэйчүүдийн 90кг жинд Б.Бат-Эрдэнэ Мөнгөн медаль
• Эрэгтэйчүүдийн +100кг жинд Хөдөлмөрийн баатар, МУГТ Н.Түвшинбаяр аварга, О.Цэцэнцэнгэл нар хүрэл медаль
• Эмэгтэйчүүдийн +78кг жинд Д.Номинзул шагналт тавдугаар байр тус тус эзэллээ. 

Манай бөхчүүд "HONG KONG ASIAN OPEN 2018" тэмцээнээс 1 алтан медаль, 3 мөнгөн медаль, 4 хүрэл медаль, шагналт тавдугаар байр 4, шагналт долоодугаар байр 3 гэсэн амжилт арвинтайгаар тэмцээнийг өндөрлүүллээ. 

Манай жүдо бөхчүүдийн дараагийн татами дэлхийн шилдгүүдийн цуглаан Мастерс 2018 байх болно.