Fiba 3x3 сагсанбөмбөгийн 17 хүртэлх насны Ази тивийн аварга шалгаруулах тэмцээн маргааш эхэлнэ. 

3х3 сагсанбөмбөгийн 17 хүртэлх насны Ази тивийн аварга шалгаруулах тэмцээн гурван жил завсарласны эцэст энэ сарын 13-16-ны өдрүүдэд Малайз улсын Куала Лумпур хотноо зохион байгуулагдах гэж байна. Энэхүү тэмцээнээс шилдэг гурван баг 2023 онд зохион байгуулагдах 18 хүртэлх насны дэлхийн аварга шалгаруулах тэмцээнд оролцох эрхээ авах юм.

Куала Лумпурт эрэгтэй 18, эмэгтэй 17 баг буюу нийт 35 баг тус бүр дөрвөн хэсэгт хуваагдан өрсөлдөнө.  Манай эрэгтэй багийн хувьд D хэсгийг тэргүүлэн өрсөлдөх ба Туркменистан болон урьдчилсан шатнаас Самоа, Йордан, Сингапур, Бангладеш багуудын хожсонтой өрсөлдөнө. Харин эмэгтэй багийн хувьд С хэсэгт Япон болон урьдчилсан шатнаас Тайланд, Филиппин, Хонг Конгийн хожсон багтай өрсөлдөх оноолттой байна. 

Манай багуудын хэсгийн тоглолтын хуваарь /Улаанбаатарын цагаар/:

10 дугаар сарын 14 /Эрэгтэй баг/

14:25 цагг Монгол : Туркменистан

18:05 цагт Монгол : Урьдчилсан шатнаас шалгарсан баг

10 дугаар сарын 15 /Эмэгтэй баг/

11:25 цагг Монгол : Япон

13:15 цагт Монгол : Урьдчилсан шатнаас шалгарсан баг