Японы мэргэжлийн сумо бөхийн долоодугаар сарын башёгийн гурав дахь өдрийн барилдааныг шууд дамжуулан үзүүлж байна.
Өнөөдөр их аварга Хакухо М.Даваажаргал Маэгаширагийн 1-ээс барилдаж буй Эндотой барилдана. Хоёр бөхийн хувьд өмнө нь 14 удаа учраа тааран барилдахад Хакухо аварга 12 удаад нь Эндог давж байлаа. Харин Эндогийн хувьд энэ башёгийн эхний өдөр Какүрюү М.Ананд аваргыг өвдөг шороодуулаад байгаа. Өнөөдрийн барилдаан тун сонирхолтой өрнөх нь дамжиггүй.
Маэгаширагийн 9-өөс барилдаж буй Тамаваши Б.Мөнх-Оргил өнөөдөр өөрийн мөнхийн өрсөлдөгч Кайсейтэй тулна. Хоёр бөхийн хувьд өмнө нь 19 удаа учраа таарахад Б.Мөнх-Оргил 10 удаад нь өрсөлдөгчөө даваад байгаа.
Жич: Тухайн өдрийн барилдааны шууд дамжуулалтын бичлэг барилдаан дуусахад устдаг тул та үзэж амжаагүй бол маргааш өглөө нийтлэгдэх тойм бичлэгийг хүлээн авч үзэх боломжтой. Башёгийн 2 дахь өдрийн барилдааны тоймыг нөхөж үзэхийг хүсвэл ЭНД дарна уу.
