Японы мэргэжлийн сумо бөхийн 13 дахь өдрийн барилдааныг шууд дамжуулан үзүүлж байна.
Энэ намрын ээлжит Аки башё өндөрлөхөд ердөө гурван өдрийн барилдаан дутуу байна. Харин башёг 12 өдрийн дараах байдлаар нэг л бөх 10 даваа хоёр унаатайгаар тэргүүлж байгаа нь Секиваке Такакейшо юм. Харин есөн даваа, гурван унаатай яваа таван бөх тэргүүлэгчийн ард "шил даран" өрсөлдөж байна.
Цагтаа эзэн хааны цомыг өргөж явсан ч бэртлийн улмаас макүшита зиндаанд барилдаж буй Тэрүнофүжи Г.Ган-Эрдэнэ макушита зиндаанд дараалан зургаа давж өөрийн зиндааг тэргүүлж байна.
Өнөөдрийн онцлох барилдаан бол башёг тэргүүлэгч Секиваке Такакейшо Озеки Гоеидотой барилдах оноолттой байна. Хоёр бөхийн хувьд өмнө нь 10 удаа учраа тааран барилдахад Озеки Гоеидо долоон удаад нь давж байсан юм.
Жич: Шууд дамжуулалтын бичлэг нь башё дуусахад хадгалагддаггүй тул тухайн өдрийн барилдааныг нөхөж үзэхийг хүсвэл та маргааш өглөөний тойм бичлэгийг хүлээн авч үзнэ үү.
.jpg)
