Хүндийн өргөлтийн Ази тивийн аварга шалгаруулах тэмцээн БНХАУ-ын Нинбо хотноо энэ сарын 20-28 өдрүүдэд болж өндөрлөлөө. Энэхүү ААШТ нь эрэгтэйчүүдийн 48 дахь, эмэгтэйчүүдийн 29 дэх ази тивийн аварга шалгаруулах тэмцээн юм. 27 орны 214 тамирчин өрсөлдсөн энэ удаагийн ААШТ-д манай улсаас нэг эрэгтэй (Э.Мөнхдөл), зургаан эмэгтэй (Ч.Нямзул, М.Анхцэцэг, Г.Ануужин, Э.Билэгсайхан, О.Дархижав, Г.Энэрэл) тамирчны бүрэлдэхүүнтэй өрсөлдлөө.
ОУХМ М.Анхцэцэг эмэгтэйчүүдийн 81кг жинд огцом өргөлтөөр 93кг, түлхэлттэй өргөлтөөр 113кг өргөж, огцом ба түлхэлттэй өргөлтөөр тус бүр хүрэл медаль, нийлбэр дүнгээр 206 кг-аар мөнгөн медаль (Хоёр хүрэл, нэг мөнгө , нийт гурван медаль) хүртлээ.
Үрийн зулай үнэрлэн, спортоос түр хөндийрсөн, ДАШТ-ий хүрэл медальт М.Анхцэцэг төрөөд ердөө гуравхан сарын дараанаас бэлтгэлдээ орж Ази тивийн аваргаас гурван медаль хүртээд байгаа нь бахархам амжилт юм. Тэрээр 2016 онд залуучуудын болон насанд хүрэгчдийн ААШТ-ий 75 кг-д түрүүлж Азийн аварга болж байсан юм.
Энэ удаагийн Ази тивийн аваргад тэмцээнийг зохион байгуулагч БНХАУ 31 алт, 19 мөнгө, дөрвөн хүрэл медаль нийт 54 медаль хүртсэн амжилтаар багийн дүнг итгэл төгс тэргүүллээ.
М.Анхцэцэг Ази тивийн аваргаас медалиа гардан авч буй торгон мөчийг толилуулж байна. /Сонирхогчийн гар утасны бичлэг/
Mongol tumen bid ene busguigeeree baharhah ystoi shu.Tiw delhiid Mongol gedeg neriig tsaashidaa ulam ih gargaj manduulj ywaarai ta.Gadnii oron taatai tsalin hangamj amalsan ch ter tatgalzaj chadsan .turiinhuu dalbaatai hamt medaliin tawtsand garahiig haraad uneheer baharhaj ogshij bna mundag busgui yum daa. .eh ornoo hudaldaj idsen turiin tomchuudad eh oronoo geh setgel zurh ymar baidgiig ene tenheet busguigees olj hardag ch boloosoi.
бахархах юмтай сайхан монголжингоо юм даа