Снукер биллиардын шагналын сан өндөртэй, дэлхийн чансааны China Open 2019 тэмцээн БНХАУ-ын Бээжин хотноо явагдаж дууслаа. Долоо хоногийн турш үргэлжлэн явагдсан энэхүү тэмцээнд 64 тамирчин оролцсон ба нийт шагналын сан нь нэг сая паунд байлаа.
Энэ удаагийн тэмцээн маш сонирхолтой өрнөсөн ба тэмцээний эхнээс дэлхийн шилдгүүд ээлж дараалан өөрөөсөө харьцангуй чансаа доогуур тамирчдад хожигдсоор байлаа. Тэмцээний хамгийн эхний урьдчилсан тоглолтод энэ China Open тэмцээний гурван удаагийн аварга Марк Селби дэлхийн чансааны 92-т эрэмбэлэгдэж буй Крэйг Стийдманд хожигдон тэмцээнээ дуусгалаа. Уг тоглолтыг үзэхийг хүсвэл энд дарна уу. Харин түүний дараа тэмцээний нэгдүгээр тойрогт дэлхийн гурван удаагийн аварга домогт Жон Хиггинс дэлхийн чансааны 84-т эрэмбэлэгдэж буй Английн Жое О Коннорт 6:2 харьцаагаар хожигдон тэмцээнээ дуусгалаа. Уг тоглолтыг үзэхийг хүсвэл энд дарж үзнэ үү. мөн түүнчлэн дэлхийн чансааны 4-т эрэмбэлэгдэж буй шилдэг биллиардчин Жадд Трампын хувьд мөн эхний тойрогт дэлхийн чансааны 64-т эрэмбэлэгдэж буй Английн Роби Виллиамст хожигдон тэмцээнээ дуусгалаа. Уг тоглолтыг үзэхийг хүсвэл энд дарна уу.
Австралийн биллиардчин Нейл Робертсон дэлхийн шилдгүүдээс энэ удаад илүү байж "China Open 2019" тэмцээнд түрүүллээ. Тэрээр дараах тоглолтуудыг хийж 225.000 паундын шагнал хүртлээ.
- Нэгдүгээр тойрогт: Кишин Хирани (Уэльс) 2:6
- Хоёрдугаар тойрогт: Мэй Ши Вен (БНХАУ) 3:6
- Гуравдагуур тойрогт: Лу нинг (БНХАУ) 0:6
- Хэсгийн аваргын төлөө: Сэм Крайг (Англи) 0:6
- Хагас шигшээ: Лука Бресел (Белги) 7:10
- Шигээ тоглолт: Жак Лисовски (Англи) 4:11
"China Open-2019" тэмцээний финалд Нейл Робертсон болон Жак Лисовски нарын тоглолтын бүтэн бичлэгийг толилуулж байна.
