Жүдо бөхийн уламжлалт Дюселдрорфийн их дуулга тэмцээн амжилттай зохион байгуулагдаж дууслаа. 

Манай сайт тив, дэлхийн аливаа томоохон тэмцээн, уралдааныг шууд дамжуулан үзүүлэхээс гадна медаль хүртсэн тамирчдынхаа бичлэгүүдийг хүргэдэг уламжлалынхаа дагуу Дюселдорфийн их дуулга тэмцээнд медаль хүртсэн тамирчдынхаа бичлэгийг цувралаар толилуулж байна.

• Их дуулга ангиллын 11 дэх медалиа хүртсэн олимпийн мөнгө, дэлхийн аварга, хөдөлмөрийн баатар, МУГТ Д.Сумъяа аваргын бүх барилдаануудын бичлэгийг үзэхийг хүсвэл ЭНД дарна уу.

• 2020 он гарсаар хоёр дахь их дуулга тэмцээнээсээ медаль хүртэж буй Ц.Цогтбаатарын бүх барилдааны бичлэгийг ЭНД дарж үзнэ үү. 

Эмэгтэйчүүдийн -63 кг жинд Б.Ганхайч урамтай сайхан барилдан их дуулга ангиллын гурав дахь Дюселдорф их дуулга тэмцээнээс хошой хүрэл медаль хүртлээ. 

Тэрээр эхний тойрогт гоц мөргөж хоёрдугаар тойрогт олон улсын жүдо бөхийн холбооны нэрийн өмнөөс барилдаж буй М.Дахоукыг цэвэр яллаа. 

Гуравдугаар тойрогт өнгөрсөн оны Европын наадмын аварга Английн Шчлесингер Алисыг даралтаар цэвэр яллаа. 

Хэсгийн аваргын төлөө дэлхийн аваргын хошой мөнгө, хошой хүрэл медальт Японы алдарт Таширо Микутэй барилдан ялагдсанаар дагах барилдаан хийхээр боллоо. 

Дагах барилдаанд залуучуудын олимпийн аварга, өнгөрсөн оны залуучуудын дэлхийн аварга Унгарын Озбас Сзофитэй барилдан мөн цэвэр ялсан юм. 

Хүрэл медалийн төлөө Францийн М.Декетертэй барилдан торгуулиар цэвэр ялж хүрэл медаль хүртлээ.  

Дараагийн дугаарт Б.Хорлоодойн бүх барилдааны бичлэгийг түүвэрлэн үзүүлэх болно.