Ливерпүүл 2:1 Тоттенхам

Английн Премьер лигийн хүснэгтийг тэргүүлж буй Ливерпүүл клуб өчигдөр Тоттенхам клубыг талбайдаа хүлээн авч тоглон 2:1 харьцаагаар буулган авлаа.

Премьер лигийн хүрээнд энэ хоёр баг өмнө нь 54 удаа учраа тааран тоглож 15 тэнцэж 25 удаад нь Ливерпүүл клуб хожоод байна. Хүснэгтийн байдлыг харвал хүснэгтийн хоёрт эрэмбэлэгдэж буй Манчестер Сити клубээс ердөө хоёрхон оноогоор тэргүүлж буй Ливерпүүл клубын хувьд Тоттенхам клубыг хожсон нь тун хэрэгтэй гурван оноог тэдэнд авч ирлээ. Хүснэгтийн гуравт эрэмбэлэгдэж буй Тоттенхам клубын хувьд сүүлийн тоглолтуудтай хожил гээчийг үзээгүй удаж байна. Харин Манчестер Сити клуб Фулхамыг 2:0 харьцаагаар хожин ээлжит ялалтаа аваад байгаа юм. Уг тоглолтын тоймыг үзэхийг хүсвэл энд дарна уу. 

Ливерпүүл болон Тоттенхам клубын тоглолтын агуулгын хувьд Фирмино 16 дахь минутад гоолдож тэргүүллийг авч ирсэн ч тоглолтын 70 дахь минутад Тоттенхамын Лукас Моура гоолдон тэнцүүлж чадлаа. Харин тоглолтын төгсгөлд М.Салахын мөргөсөн бөмбөг Тобы Алдервэйрелдын хөлд ойж орсноор өөрийнхөө хаалганд гоолдчихлоо. 

Ливерпүүл болон Тоттенхам клубын тоглолтын тойм бичлэгийг хүлээн авч үзнэ үү.