Европын аварга шалгаруулах "Евро 2020" тэмцээний сонгон шалгаруулалтын тоглолтууд явагдаж буйтай холбоотойгоор лигүүдийн тоглолт түр завсарлаад байсан бол өнгөрөгч амралтын өдрүүдэд хуваарь тоглолтууд явагдаж эхэллээ.
Английн Премьер лигийн хүрээнд хүснэгтийг тэргүүлэгчид ээлжит тоглолтуудаа хийсэн ба хамгийн эхэнд Манчестер Сити клуб Фулхам клубтэй Лондон хотноо тоглолоо.
Фулхам 0:2 Манчестер Сити
Хүснэгтийг тэргүүлэгчдийн эгнээнд явж буй Манчестер Сити клуб ээлжит нэгэн хожлоо авч тэдний ялагдалгүй цуврал үргэлжилж байна. Энэ тоглолт үндсэндээ С.Агуэро болон Б.Силва нарын хоршил дунд явагдаж дууслаа. Хэн хэн нь нэг гоол, нэг гоолын дамжуулалт хийлээ. Тоглолт эхлээд дөнгөж удаагүй байхад (5 дахь минутад) Агуэрогийн дамжуулалтаар Силва гоолдсон бол 27 дахь минутад Силвагийн дамжуулалтаар Агуэро гоолдлоо. Ийнхүү С.Агуэро премьер лигийн хүрээнд 19 гоол оруулсан амжилтаар мэргэн буучдын жагсаалтыг тэргүүлж байна.
Премьер лигийн хүрээнд хоёр баг 26 удаа учраа тааран тоглоходо есөн удаад нь тэнцээ 13 удаад нь Манчестер Сити клуб хожоод байна. Статистикаас харвал 2013 оноос хойш Манчестер сити клуб Фулхамыг тасралтгүй хожоод байна.
Манчестер Сити - Фулхам клубүүдийн тоглолтын тойм бичлэгийг хүлээн авч үзнэ үү.
