Их Британи улсын Челтенхам хотноо снукер биллиардын "Coral Wolrd" гран при тэмцээн энэ өдрүүдэд явагдаж байна. Уг тэмцээнд 32 шилдэг тамирчин өрсөлдөж байгаагийн дотор дэлхийн чансааг тэргүүлж буй эхний 10 тамирчин бүгд тоглож байгаагаараа онцлогтой юм.
Одоогийн байдлаар уг тэмцээний шөвгийн дөрвөн тамирчин шалгарч үлдээд байна. Шөвгийн наймын тоглолтод дэлхийн чансааг тэргүүлэгч Маркс Селби дэлхийн чансааны тавд эрэмбэлэгдэж буй Жадд Трампын эсрэг юу ч хийж чадалгүй хожигдлоо.
.jpg "Марк Селби болон Жадд Трамп нар")
Урьд өмнө нь хоёр тамирчин 25 удаа учраа тааран тоглоход Марк Селби 13 удаад нь хожоод байсан бол харин одоо хоёр тамирчны хожил, хожигдлын харьцаа тэнцлээ. Жадд Трамп оны эхэнд Герман Мастерс тэмцээний финалд домогт Ронни О Сулливаны яг энэ тактикаараа хожиж байсныг биллиард сонирхогчид маань тодхон санаж буй бизээ. Хэрэв тоглолтыг үзэхийг хүсвэл энд дарна уу.
"Coral Wolrd" гран при тэмцээний шөвгийн дөрөвт Жадд Трамп Барри Хавкинстай, Али Картер Сиао Гуодонтой тоглохоор тунаж үлдээд байна.
Марк Селби болон Жадд Трамп нарын тоглолтын бүтэн бичлэг:
