22 дахь удаагийн шайбтай хоккейн 18 хүртэлх насны дэлхийн аварга шалгаруулах тэмцээний шөвгийн найман баг тодорлоо.
Дэлхийн шилдэг 10 улсын баг хоёр хэсэгт хуваагдан өрсөлдсөнөөс А хэсгийг хүчирхэг Канадчууд хэсэгтээ нэг ч хожигдолгүйгээр итгэл төгс тэргүүлсэн бол дэлхийн дөрвөн удаагийн аварга Финланд залуучууд В хэсгийг тэргүүлсэн байна. Харин таамгийн дагуу А хэсгээс Латви, В хэсгээс Германы багууд нэг ч хожил авч чадаагүй тул тус тус шөвгийн наймд үлдсэнгүй.
Хэсгийн сүүлийн тоглолтууд үнэхээр гал ассан тоглолтуудаар дүүрэн байлаа. Тодруулбал В хэсэгт эхний тоглолтдоо ОХУ-ын багт нэмэлт цагт 7:6 харьцаагаар хожигдсон АНУ-ын залуучууд хүчирхэг Финландыг мөн нэмэлт цагт 5:4 харьцаагаар буулган авлаа.
