22 дахь удаагийн шайбтай хоккейн 18 хүртэлх насны дэлхийн аварга шалгаруулах тэмцээн гурав дахь өдрөө үргэлжлэн явагдлаа.
Урьд шөнө хоёр хэсгийн тус бүр хоёр тоглолт явагдлаа. А хэсэгт Канад баг Латвийн багийг 4:2 харьцаагаар буулган авч хэсгээ тэргүүлсэн хэвээр үлдлээ.
Харин В хэсэгт эхний тоглолтдоо ОХУ-ын хүчирхэг багийг 4:3 харьцаагаар буулган авсан Финланд залуучууд урьд шөнө Чехийн багийг 6:5 харьцаагаар хожин хэсгээ тэргүүлж эхэллээ. Тэд хэсгийн сүүлийн тоглолтоо АНУ-ын хүчирхэг багтай хийх хуваарьтай байгаа бөгөөд хэсгээсээ шалгарах "тийзээ үндсэн нь авчихлаа".
