Шайбтай хоккейн 45 дахь удаагийн 20 хүртэлх насны залуучуудын дэлхийн аварга шалгаруулах тэмцээн Канад улсад зохион байгуулагдаж байна.
2020 оны 12 дугаар сарын 25-ны өдөр эхэлсэн ДАШТ Канад улсад 14 дэх удаагаа зохион байгуулагдаж байна. Ковид-19 цар тахлын тархалтын улмаас тэмцээнд оролцогчдыг тэмцээний өмнө 14 хоног тусгаарлан оролцуулж байгаа ба тусгаарлалтын явцад Шведийн багийн ахлах дасгалжуулагч Томас Монтен болон зарим тамирчдын шинжилгээний хариу эерэг гарч тэмцээнд оролцох боломжгүй болсон байна.
Шөвгийн 8-ын тоглолтууд бүгд тун өрсөлдөөнтэй явагдаж хагас шигшээд дэлхийн шилдгүүд тунан үлдээд байна.
Хагас шигшээ тоглолтууд дараах хуваарийн дагуу явагдана. /Улаанбаатарын цагаар/
Нэгдүгээр сарын 5-ны өдөр
- 07:00 цагт: Канад - Орос
- 10:30 цагт: АНУ - Финланд
