Мэргэжлийн снукер биллиардын энэ оны хамгийн сүүлийн тэмцээн болох дэлхийн гранпри тэмцээний нэгдүгээр тойргийн тоглолтууд үргэлжлэн явагдаж байна. 

Хоёр сарын дотор зургаан тэмцээнд дараалан оролцож буй тул тоглогчид бүгд их ачаалалтай байгаа. Өнгөрөгч долоо хоногт финалд өрсөлдсөн Ронни О Сулливан аварга тэмцээний дараа ядарч, туйлдаж буйгаа мэдэгдэж байсан ч хурдан сэргэлт авсан өчигдрийн тоглолтоос харагдлаа. Тэрээр дэлхийн гранпри тэмцээний эхний тойрогт  чансааны 22-т эрэмбэлэгдэж буй Али Картертэй 20 дахь удаагаа учраа таарч 18 дахь удаагаа буулган авлаа.

Тоглолтын эхлэлийг Али Картер амжилттай эхлүүлж 113 оноо авч хожил байгуулсан ч сүүлийн дөрвөн өрөгт дараалан ялагдаж тэмцээнээ дуусгалаа. Дэлхийн гранпри тэмцээний 2018 оны аварга Ронни хоёрдугаар тойрогт Барры Хавкинстай тоглохоор оноолт таарлаа.   

Манай сайт дэлхийн гранпри тэмцээнийг шууд дамжуулан үзүүлэхээс гадна чухал сонирхолтой тоглолтуудын бичлэгийг мөн толилуулж байгаа юм. Дэлхийн чансааг тэргүүлэгч Жадд Трамп аваргын тоглолтыг манай сайт шууд дамжуулсныг та ЭНД дарж нөхөж үзэх боломжтой. 

Харин өнөөдөр буюу 12 дугаар сарын 16-ны 21:00 цагаас (Улаанбаатарын цагаар) Марк Селби аваргын тоглолтыг манай сайт шууд дамжуулан үзүүлэх болно. Марк Селби аварга өнөөдөр Хятадын Лиан Венботой тоглох онооллтой байна.