“Лондон-2012” олимпийн наадмын чөлөөт бөхийн 120 кг жинд алт, мөнгөн медаль хүртсэн Артур Таймазов (Узбекистан), Давит Мозманашвили (Гүрж) нар сэргээшийн шинжилгээнд бүдэрснээр медалиа хураалгахаар болсон.

Сидней олимпийн мөнгө, Афины олимпийн аварга Артур Таймазов 2008 оны Бээжин, 2012 оны Лондонгийн хоёр олимп дараалсан аваргын алтан медалиа сэргээшийн шинжилгээнд бүдэрснээр хураалгаж байна. 

Дэлхийн бөхийн нэгдсэн холбооноос Артур Таймазов (Узбекистан), Давит Мозманашвили (Гүрж) нарт ялагдаж хүрэл медаль хүртсэн Ираны Комейл Гасеми, дэлхийн гурван удаагийн аварга ОХУ-ын Билял Махов нарт хоёуланд нь алтан медаль өгөхөөр боллоо. Олимпийн түүхэнд анх удаа хоёр бөх нэг жинд олимпийн аварга болж байгаа нь энэ юм.

Тэгвэл ОУОХ-ны сайтад хүрэл медальт тамирчдын нэрийг албан ёсоор зарлалаа. Лондонд медалиа хураалгасан бөхчүүдэд 1/4 шигшээ барилдаанд ялагдсан АНУ-ын Тервел Длагнев, Казахстаны Даулет Шабанбай нарт хүрэл медаль шилжинэ.

Эх сурвалж Монголын Чөлөөт бөхийн холбооны олон нийтийн хуудас