Жүдо бөхийн Варшавын нээлттэй тэмцээн өнөөдөр албан ёсоор эхэлнэ.

Энэ амралтын өдрүүдэд /02.29 - 03.01/ Польш улсын Варшав хотноо зохион байгуулагдаж буй Варшавын нээлттэй тэмцээнд 40 орны 407 жүдоч оролцож байгаа ба манай улсаас зургаан бөх барилдана. Манай баг, бүрэлдэхүүний мэдээллийг ЭНД дарж үзнэ үү. 

Өнөөдөр тэмцээний эхний өдөр хуваарь ёсоор эмэгтэйчүүдийн -48,-52, -57 кг, эрэгтэйчүүдийн -60, -66, -73 кг жингүүдийн урьдчилсан барилдаан явагдах ба манай улсаас Б.Сүхбат, Э.Сумъябазар, Л.Анхзаяа нар барилдана. 

Эрэгтэйчүүдийн -60 кг жинд: 

Энэ жинд манай улсаас хоёр бөх барилдах ба Б.Сүхбат В хэсгийн тэргүүлэн барилдах тул эхний тойрогт гоц мөргөж хоёрдугаар тойрогт Их Британийн Н.Адрифтэй учраа таарсан байна. Харин С хэсэгт Э.Сумъяабазар эхний тойрогт Польшийн А.Валатай учраа таарсан байна. 

Эрэгтэйчүүдийн -73 кг жинд:

Энэ жинд барилдаж буй Л.Анхзаяа өнөөдөр манайхны салхийг хагалж эхний тойрогт Испанийн бөхтэй барилдана. 

Тэмцээн Улаанбаатарын цагаар 17:00 цагт эхлэх ба манай сайт уламжлал ёсоор шууд дамжуулан үзүүлэх болно.