Таеквондогийн 2019 оны "Бүс ба Зам China Open" олон улсын тэмцээн БНХАУ-ын Сиан хотноо амжилттай зохион байгуулагдаж дууслаа.
.jpg)
Энэхүү тэмцээн нь таеквондогийн тулаан болон пүмсэ буюу үзүүлэх тоглолт төрлөөр зохион байгуулагдсан ба манай улсаас Монголын Таеквондогийн холбооны үндэсний шигшээ баг, Алдар спорт хорооны тамирчид болох М.Түмэнбаяр, Э.Буяншагай, А.Нацагдорж, П.Дүүрэнжаргал нарын дөрвөн тамирчин дасгалжуулагч багш Хур Ин Ён, Д.Лхагвадорж нарын удирдлага дор оролцлоо. Манай тамирчдаас тэмцээний эхний өдөр -68кг жинд А.Нацагдорж урамтай сайхан тулалдаж хүрэл медаль хүртсэн бол тэмцээний сүүлийн өдөр М.Түмэнбаяр мөн хүрэл медаль хүртлээ.
Монголын Таеквондогийн шилдэг тамирчиддаа амжилтын дээдийг хүсэн ерөөе.
Дашрамд сонирхуулахад энэ сарын 14-16 өдрүүдэд Монголын таеквондогийн насанд хүрэгчдийн улсын аварга шалгаруулах тэмцээн насанд хүрэгч, мастер ангилал, 3х3 багийн тулааны төрлөөр зохион байгуулагдана.
