Олимпын таеквондогийн залуучуудын дэлхийн аварга шалгаруулах тэмцээн тав дахь өдрөө үргэлжлэн явагдаж байна.

Өнөөдөр /10 сарын 5-ны өдөр/ хуваарь ёсоор эрэгтэйчүүдийн -73кг, -78кг, эмэгтэйчүүдийн -42кг, -68кг жингийн тулаанууд явагдаж байна.

Манай улсаас өнөөдөр дараах тамирчид тулалдана.

Эрэгтэйчүүдийн -73кг жинд Сэлэнгэ аймгийн Зүүнхараа хот  "Хараагийн хөх чоно" клубын тамирчин М.Мөнхдөл тулалдах ба эхний тойрогт 2022 оны өсвөрийн дэлхийн аваргын мөнгөн медальт Гүржийн Г.Никатай тулалдана. /Нэгдүгээр дэвжээний дөрөв дэх тулаан/

Эрэгтэйчүүдийн -78кг жинд 2023 оны өсвөрийн Ази тивийн аваргын мөнгөн медальт, Спортын төв сургуулийн тамирчин Б.Бэлгүтэй өрсөлдөх ба эхний тойрогт Сербийн тамирчин В.Николатай тулалдана. /Гуравдугаар дэвжээний долоо дахь тулаан/

Эмэгтэйчүүдийн -42кг жинд Хөвсгөл аймгийн "Хүчит Шонхор" клубын тамирчин Э.Батцэцэг эхний тойрогт Испанийн тамирчин Р.Адрианатай тулалдана. /Гуравдугаар дэвжээний 16 дахь тулаан/

Эмэгтэйчүүдийн -68кг жинд Сэлэнгэ аймгийн Зүүнхараа хот  "Хараагийн хөх чоно" клубын тамирчин Б.Шинэзул эхний тойрогт Беларус улсын тамирчинтай учраа таарсан байна. /Гуравдугаар дэвжээний 10 дахь тулаан/

Дэлхийн аваргад өрсөлдөж буй нийт баг, тамирчдадаа амжилтын дээдийг хүсэн ерөөе.

НЭГДҮГЭЭР ДЭВЖЭЭГ ШУУД ҮЗЭХ

ХОЁРДУГААР ДЭВЖЭЭГ ШУУД ҮЗЭХ

ГУРАВДУГААР ДЭВЖЭЭГ ШУУД ҮЗЭХ

ДӨРӨВДҮГЭЭР ДЭВЖЭЭГ ШУУД ҮЗЭХ

ТАВДУГААР ДЭВЖЭЭГ ШУУД ҮЗЭХ