Сүүлийн үед Монголын таеквондогийн тамирчид тив, дэлхийд алдраа цуурайтуулсаар байна. 

Өнгөрөгч долоо хоногт Вьетнам улсын Хо Ши Мин хотноо Азийн 34 орны тулаанчид өрсөлдсөн хоёр дахь удаагийн Азийн нээлттэй тэмцээнд манай улсаас Монголын таеквондогийн үндэсний шигшээ багийн дараах дөрвөн тамирчин дасгалжуулагч багш Хур Ин Ён, Д.Лхагвадорж нарын удирдлага дор оролцон -58кг жинд үндэсний шигшээ баг, "Алдар" спорт хорооны тамирчин ОУХМ М.Түмэнбаяр мөнгөн медаль хүртлээ. 

• -54кг жинд П.Дүүрэнжаргал
• -58кг жинд М.Түмэнбаяр
• -63кг жинд Э.Буяншагай
• -68кг жинд А.Нацагдорж нар оролцлоо.

Мөн түүнчлэн өсвөр үе, залуучуудын ангилалд дасгалжуулагч, багш Н.Баттулгын хамт гурван тамирчин өрсөлдөж хоёр алт, нэг хүрэл медаль хүртлээ.  

• Залуучуудын ангиллын -48кг жинд Э.Эхо алтан медаль /эрэгтэй/
• Залуучуудын ангиллын -49кг жинд Д.Нямаа хүрэл медаль /эмэгтэй/
• Өсвөр үеийн -33кг жинд Н.Амин-Учрал алтан медаль тус тус хүртлээ. 

Эрэгтэйчүүдийн -58кг жинд үндэсний шигшээ баг, "Алдар" спортын хорооны тамирчин ОУХМ М.Түмэнбаяр Энэтхэг, Филиппин, Тайландын тамирчдын тус тус хожиж мөнгөн медаль хүртлээ. Хагас шигшээд түүнтэй тулалдсан Тайландын тамирчин С.Рамнаронгийн хувьд дэлхийн хошой хүрэл, ази тивийн хошой мөнгөн медальтай шилдэг тулаанч юм. Аваргын алтан медалийн төлөө насанд хүрэгч, залуучуудын Ази тив, дэлхийн аварга БНСУ-ын Жан Жунтай тулалдан 14:9 онооны харьцаагаар ялагдсан байна.  

Манай тамирчдын оноолтыг танилцуулж байна.