Чөлөөт бөхийн 2019 оны өсвөр үеийн дэлхийн аварга шалгаруулах тэмцээн долдугаар сарын 29-өөс наймдугаар сарын 4-ны өдрүүдэд Болгар улсын  нийслэл Софи хотын “Arena Armeec Sport hall” ордонд зохион байгуулагдаж байна.

Хөвгүүдийн 25, охидын 13 дахь удаагийн тэмцээнд манай улсаас Монгол Улсын гавьяат дасгалжуулагч Т.Сүхбаатарын удирдлага дор Баянхонгор аймаг, "Женко", "Хасу-Мегастарс" клубийн 10 тамирчин эх орноо төлөөлөн оролцож байгаа юм.

Өнөөдөр чөлөөт бөх сонирхогчдодоо дэлхийн аварга шалгаруулах тэмцээнд манай хөвгүүд хэрхэн барилдсан барилдааны бичлэгийг түүвэрлэн хүргэж байна. 

Хөвгүүд

• 48кг жинд Б.Отгонбаатар (Баянхонгор) дагах барилдаанд Азербейжаны Ж.Жавадовтой барилдан 9-7 харьцаагаар ялагдал хүлээлээ. 

• 51кг жинд Г.Энхням (Хасу-Мегастарс) эхний тойрогт Польшийн бөхийн цэвэр ялж улмаар хэсгийн аваргын төлөө Энэтхэгийн бөхөд ялагдлаа. 

• 60кг жинд П.Мөнх-Эрдэнэ (Баянхонгор) эхний тойрогт Белгийн А.Муратовичд ялагдан тэмцээнээ дуусгав. 
• 66кг жинд Ж.Далайдорж (Баянхонгор)
• 71кг жинд А.Цэрэн-Очир (Хэнтий) эхний тойрогт Молдавын бөхөд ялагдан тэмцээнээ дуусгалаа.
• 80кг жинд Э.Уугангэрэл (Хэнтий, "Хасу-Мегастарс") эхний тойрогт Казакстаны бөхөд ялагдан тэмцээнээ дуусгалаа.