Азербейжаны нийслэл Баку хотноо Европа лигийн финалын тоглолт явагдлаа.

Европа лигийн хүрээнд нэг ч хожигдол амсаагүй Челси клуб (12 хожил гурван тэнцээ), сүүлийн таван тоглолт дараалан хожил авсан Арсенал клубууд "туллаа". Хоёр багийн хувьд 2003/2004 оны аваргуудын лигийн шөвгийн наймд учраа тааран тоглож байсан ба Челси 3:2 харьцаагаар Арсеналыг буулган авч байсан түүхтэй. 

Тоглолтын эхний хагас гоолгүй хуурай өнгөрсөн ч хоёрдугаар үе дөнгөж эхлээд байхад Оливер Жиру гоолын салхийг хагаллаа (49 дэх минут). 60 дахь минутад Педро Родригез гоолдож Арсеналын нэр төрийн ганц гоолыг 69 дэх минутад Ивоби орууллаа. Энэ тоглолтод Эдэн Азард 65 болон 72 дахь минутад дабль хийлээ.  

Тоглолтын товчлол:

• Европа лигийн хүрээнд анх удаа VAR буюу видео туслах шүүгчийг ашиглалаа. 
• Аварга баг 15кг жинтэй бариулгүй цом өргөхийн сацуу албаныхан болон тоглогчид нийлсэн 40 хүн медаль хүртсэн байна. 
• Челси клуб Аваргуудын лиг болон Европа лигт аль алинд нь түрүүлсэн 13 дахь клуб болж бүртгэгдлээ. 
• Домогт хаалгач Петр Чех зодог тайллаа.