Снукер биллиардын дэлхийн аварга шалгаруулах тэмцээн дөрөвдүгээр сарын 20-ны өдрөөс 17 хоногийн турш Англи улсын Шеффилд хотноо зохион байгуулагдаж өнөөдөр аваргаа тодруулах өдөр. 

Шигшээ тоглолтод дэлхийн дөрвөн удаагийн аварга Жон Хиггинс (1998, 2007, 2009, 2011) болон дэлхийн чансааны долоо, 2011 оны дэлхийн аваргын аман хүзүү Жадд Трамп нар тунан үлдээд байна. Урьд өмнө нь хоёр тамирчны хувьд 32 удаа учраа тааран тоглоход нэг удаа тэнцэж 22 удаад нь Жон Хиггинс хожоод байгаа юм. 2016 оноос хойш есөн тэмцээнд учраа тааран тоглоход бүгдэд нь Жон Хиггинс хожсон үзүүлэлттэй байна. Жадд Трампын хувьд 2011 оны дэлхийн аварга шалгаруулах тэмцээний финалд Хиггинс аваргад 18:15 харьцаагаар хожигдож байсан удаатай. Энэ удаа тэрээр дэлхийн аварга болох зорилт тавьсан байгаа нь түүний тоглолтуудаас илт мэдрэгдэж байгаа юм. Тоглолтын эхний сет 4:4 тэнцээгээр өндөрлөсөн бол хоёр дахь сетиийн дараах байдлаар Жадд Трамп 12:5 харьцаагаар тэргүүлж байна. 

Жон Хиггинс болон Жадд Трамп нарын дэлхийн аваргын финалын хоёр дахь сетийг бүрэн эхээр нь толилуулж байна.