Сонирхогчдын боксын Ази тивийн АШТэмцээн Тайланд улсын нийслэл Бангкок хотноо үргэлжлэн явагдаж байна. Өчигдөр тэмцээний гурав дахь өдөр манай боксчид урамтай сайхан ялалтуудыг авлаа. 

Эрэгтэйчүүдийн 60 кг жинд Э.Цэндбаатар хоёр дахь тулаанаа Кувейтын боксчин Одан Надертай хийж илт давуугаар буулган авлаа. Мөн манай хоёр тулаанч тус тусын өрсөлдөгчөө бүх шүүгчдийн саналаар буулган авлаа. Эрэгтэйчүүдийн -81кг жинд Н.Шинэбаяр БНСУ-ын боксчин Хонг Ингиг, эмэгтэйчүүдийн -60кг жинд М.Намуун Шриланкын боксчин Кастури Кешаниг тус тус хожлоо. 

Өнөөдөр манай таван боксчид рингэнд гарах хуваарьтай байна. 

Улаанбаатарын цагаар 15:00 цагт эхлэх тулааны эхний хэсэгт

• Эрэгтэйчүүдийн 56 кг-ын жинд Х.Энх-Амар Тайванийн ЧеН По Ейтэй /А рингийн гурав дахь тулаан/
• Эмэгтэйчүүдийн 69 кг-д Э.Эрдэнэтуяа Казахстаны Д.Шакимоватай /А рингийн найм дахь тулаан/

Улаанбаатарын цагаар 19:00 цагт эхлэх тулааны хоёрдугаар хэсэгт

• Эрэгтэйчүүдийн 64 кг жинд Б.Чинзориг Энэтхэгийн Т.Рохиттой /А рингийн гурав дахь тулаан/
• Эрэгтэйчүүдийн 91 кг-ын  жинд Н.Шинэбаяр Тайландын А.Тонгкратоктой /А рингийн тав дахь тулаан/
• Эмэгтэйчүүдийн 48 кг-ын жинд Б.Мөнгөнсаран Тайландын Р.Сикадонтой /А рингийн долоо дахь тулаан/

Манай сайт сонирхогчдын боксын Ази тивийн аварга шалгаруулах тэмцээнийг шууд дамжуулан үзүүлсээр байгаа билээ. Хэрэв та өчигдрийн тулааныг нөхөж үзэхийг хүсвэл энд дарна уу.