Английн хөлбөмбөгийн Премьер лигийн хүснэгтийг тэргүүлэгчдийн байрлал дахин солигдлоо. Урьд шөнө 33 дахь тойргийн тоглолтоо хийсэн Ливерпүүл клуб ээлжит хожлоо авч хүснэгтийг дахин тэргүүлж эхэллээ.
Соутхамптон 1:3 Ливерпүүл
Премьер лигийн хүрээнд хоорондоо 40 удаа учраа тааран тоглоход 10 удаад нь тэнцэж 20 удаад нь Ливерпүүл клуб Соутхамптон клубыг хожоод байна. Статистик мэдээг харвал 2017 оноос хойш Ливерпүүл клуб Соутхамптоныг дөрөв дараалан хожоод байна.
Тоглолтын салхийг хагалж Соутхамптоны Шэйн Лонг ес дэх минутад гоолдсон хэдий ч энэ гоол тэдний хожлын гоол биш байлаа. Ливерпүүл клуб дараах гоолуудыг хийж ээлжит хожлоо авлаа.
- 36 дахь минутад Кэйта
- 80 дахь минутад Мохамед Салах
- 86 дахь минутад Жордан Хэндэрсон нар гоолдлоо. Мухамед Салахын хувьд Ливерпүүлийн төлөө хийсэн 50 дахь гоолын баяраа тэмдэглэх эрхтэй боллоо.
Соутхамптон болон Ливерпүүл клубын тоглолтын тоймыг хүлээн авч үзнэ үү.
