Премьер лигийн тоглолтууд улам бүр ширүүсч хүснэгтийн тэргүүлэгчдийн байрлалд өдөр бүр өөрчлөлт орсоор байна. Өчигдөрхөн хүснэгтийн тавд эрэмбэлэгдэж байсан "их буучид" талбайдаа Ньюкастелийг хүлээн авч 2:0-оор хожсоноор хүснэгтийн 3-т орж ирлээ.
Энэхүү хоёр баг Премьер лигийн хүрээнд 48 удаа учраа тааран тоглохдоо 10 удаа тэнцэж 28 удаад нь Арсенал клуб хожоод байна. Урьд шөнийн тоглолтын 30 дахь минутад Рамсий гоолдсон бол Лаказетте 83 дахь минутад гоолдож багтаа ээлжит нэгэн ялалтаа авч ирлээ.
Арсеналын үзүүлэлт сүүлийн үед маш сайн байгаа ба сүүлийн таван тоглолтдоо Тоттенхам клубтэй тэнцсэнээс бусдаар бүр өрсөлдөгч нараа буулган аваад байгаа юм. Аарон Рамсийгийн хувьд Арсенал клубын төлөө гоолдсон сүүлийн 28 тоглолтдоо баг нь хожигдоогүй гэсэн статистик гарчээ. Гэвч тэрээр энэ долоодугаар сард Ювентуст очих гэрээгээ байгуулаад байгаа юм.
Арсенал - Ньюкастел клубын тоглолтын тойм бичлэгийг хүлээн авч үзнэ үү.
