Олон улсын жүдо бөхийн холбооны (IJF) чансаа өндөртэй Екатеринбургийн их дуулга тэмцээн өчигдөр албан ёсоор эхэлсэн билээ. Энэ удаагийн их дуулга тэмцээнд 47 орны дэлхийн шилдэг 358 жүдоч оролцож байгаа юм. Манай улсаас хашир туршлагатай болон шинэ залуу 20 жүдоч оролцож байгаагаас өчигдөр тэмцээний эхний өдөр зургаан бөх барилдаж эрэгтэйчүүдийн -60кг жинд барилдсан Л.Өнөболд аваргын алтан медалийн эзэн боллоо. 

Өнөөдөр эмэгтэйчүүдийн -63кг, -70кг, эрэгтэйчүүдийн -73кг, -81кг жингүүдийн барилдаануудаар үргэлжлэн явагдах ба МУГТ Г.Одбаяр тэргүүтэй манай долоон бөх барилдах юм. Манай бөхчүүдийн оноолтыг үзэхийг хүсвэл энд дарна уу. 

Эрэгтэйчүүдийн -73кг жингийн В хэсэгт барилдаж буй Н.Хадбаатар эхний тойрогт тэмцээнийг зохион байгуулагч эзэн орны бөх ОХУ-ын Феликс Галуаевтэй барилдан торгуулиар цэвэр ялсан. Өмнө нь хоёр бөх 2018 оны Анаталиягийн гран при тэмцээнд учраа таарахад манай бөх ялагдаж байсан ч энэ удаад даагаа сайхан нэхэж яллаа. Харин яг одоо хоёрдугаар тойрогт Израйлийн шилдэг жүдоч Тохар Бутбултай барилдахаар хоёрдугаар дэвжээнээ гарч ирлээ. Тохар Бутбулын хувьд 2546 оноотойгоор дэлхийн чансааны 16-д эрэмбэлэгдэж буй бол Н.Хадбаатар 66-д эрэмбэлэгдэж байгаа юм. Хоёр жүдоч 2017 онд мөн Анаталиягийн гранприд нэг удаа учраа тааран барилдаж манай бөх ялагдаж байсан удаатай. Энэ удаад ч даагаа нэхэх бизээ. 

Нэгдүгээр дэвжээг шууд үзэх:

Хоёрдугаар дэвжээг шууд үзэх:

Гуравдугаар дэвжээг шууд үзэх:

  Жич: Хэрэв та шууд дамжуулалтыг цаг тухайд нь үзэж амжаагүй бол бичлэгийг ухраан нөхөж үзэх боломжтой.