Олон улсын жүдо бөхийн холбооны (IJF) чансаа өндөртэй Екатеринбургийн их дуулга тэмцээн өнөөдөр албан ёсоор эхлэх гэж байна. Уг тэмцээн 47 орны дэлхийн шилдэг 358 жүдоч оролцож байгаа юм. Манай улсаас хашир туршлагатай болон шинэ залуу 20 жүдоч оролцож байгаагаас өнөөдөр тэмцээний эхний өдөр зургаан бөх зодоглоно. Тэмцээний хуваарь болон өнөөдөр барилдах манай бөхчүүдийн оноолтыг үзэхийг хүсвэл энд дарна уу. 

Одоогийн байдлаар манай бөхчүүдээс эмэгтэйчүүдийн -48кг жинд хүч үзсэн Э.Гэрэлмаа, Г.Наранцэцэг, -52кг жинд барилдсан Л.Сосорбарам, эрэгтэйчүүдийн -66кг жинд барилдсан Б.Эрхэмбаяр нар ялагдан тэмцээнээ дуусгаад байгаа бол эрэгтэйчүүдийн -60кг жинд барилдаж буй Л.Өнөболд хэсгийн аваргын төлөө барилдах эрхтэй болоод байгаа юм.

Эмэгтэйчүүдийн -57кг жинд залуучуудын ДАШТ-ий мөнгөн медальт ОУХМ Л.Энхрийлэн эхний тойрогт гоц мөргөж хоёрдугаар тойрогт өнгөрөгч Марракечийн гран при тэмцээний аварга, 2018 оны Екатеринбургийн их дуулга тэмцээний мөнгөн медальт Тайванийн хашир туршлагатай Чен Линтэй хоёрдугаар дэвжээнээ барилдана. Түүнийг залгуулаад манай Л.Өнөболд хэсгийн аваргын төлөө барилдах юм. 

Нэгдүгээр дэвжээг шууд үзэх:

Хоёрдугаар дэвжээг шууд үзэх:

Гуравдугаар дэвжээг шууд үзэх:

 Жич: хэрэв та шууд дамжуулалтыг үзэж амжаагүй бол бичлэгийг ухраан нөхөж үзэх боломжтой.