Олон улсын жүдо бөхийн холбооны (IJF) чансаа өндөртэй Екатеринбургийн их дуулга тэмцээн өнөөдөр албан ёсоор эхлэх гэж байна. Уг тэмцээн 47 орны дэлхийн шилдэг 358 жүдоч оролцож байгаа юм. Манай улсаас хашир туршлагатай болон шинэ залуу 20 жүдоч оролцож байгаагаас өнөөдөр тэмцээний эхний өдөр зургаан бөх зодоглоно. Тэмцээний хуваарь болон өнөөдөр барилдах манай бөхчүүдийн оноолтыг үзэхийг хүсвэл энд дарна уу. 

Одоогийн байдлаар манай бөхчүүдээс эмэгтэйчүүдийн -48кг жинд хүч үзсэн Э.Гэрэлмаа, Г.Наранцэцэг, -52кг жинд барилдсан Л.Сосорбарам нар ялагдан тэмцээнээ дуусгаад байгаа бол эрэгтэйчүүдийн -60кг жинд барилдаж буй Л.Өнөболд хэсгийн аваргын төлөө барилдах эрхтэй болоод байна.

Эрэгтэйчүүдийн -66кг жинд оюутны универсиад наадмын мөнгөн медальт ОУХМ Б.Эрхэмбаяр эхний тойрогт Туркын Синан Сандалтай барилдаж цэвэр ялсан бол яг одоо хоёрдугаар дэвжээн дээр уг жинг тэргүүлэгч Израйлын шилдэг жүдоч Барух Шмайловтай барилдахаар гарч ирээд байна. Барух Шмайловын хувьд өнгөрсөн оны Мастерс тэмцээний мөнгө, энэ оны Парисын их дуулга тэмцээний хүрэл медальт шилдэг жүдоч юм.

Нэгдүгээр дэвжээг шууд үзэх:

Хоёрдугаар дэвжээг шууд үзэх:

Гуравдугаар дэвжээг шууд үзэх:

 Жич: хэрэв та шууд дамжуулалтыг үзэж амжаагүй бол бичлэгийг ухраан нөхөж үзэх боломжтой.